大家好，歡迎收睇每星期嘅「的士牌市場資訊」，我係Olivia，相信有留意開我哋頻道嘅朋友，都知道最近幾個月的士牌價都係持續下跌，以市區的士為例，由今年高位2月中大約469萬，下跌至近年低位上星期大約353萬，足足下跌咗超過兩成，不過最近呢個星期，的士牌價有所回升，今日8月29號最新嘅的士牌參考牌價，市區的士牌價362萬，新界的士牌價300萬，我哋就以市區的士為例，比起1個星期前8月22號嘅市區的士參考牌價353萬，上升咗9萬，大約升咗2.5%。
不過對比起今年下跌嘅幅度，呢個星期上升嘅幅度都唔算太多，而且實際嘅經濟環境同市況，比起之前都冇特別嘅變化，的士牌價仍然受到多方面嘅影響，例如銀行加息嘅情況，高昂保費嘅壓力，的士生意復常嘅情況等等，所以牌價下行壓力都仍然存在，但係喺市場上的士車主近期喺我哋HKTEx App上放盤，心態都非常進取，普遍叫價都係向上，不過同一時間買家嘅數量都有所上升，所以令到的士牌價最近都不斷向上，至於銀行提供嘅的士按揭貸款金額，暫時未有跟隨上升，以市區全新混能的士為例，最新嘅按揭貸款金額大約320萬，如果打算最近入市嘅準買家就要留意，要預備多啲首期，唔知你對的士牌價最近有所回升嘅情況又有啲咩睇法，歡迎留言。
不過無論你嘅睇法係點都好，喺準備賣出或者買入的士牌之前，都歡迎下載我哋嘅App「HKTEx 一站式的士買賣租賃平台」，了解更多最新資訊，密切留意我哋香港的士交易所，我哋下集見！
Olivia
香港的士交易所 HKTEx 主播
2023年8月29日
P.S.：短片版本請於YouTube上收看：https://youtu.be/IVM54cqeWro
#的士牌價 #的士牌市場資訊 #HKTEx #牌價回升 #市區的士 #新界的士 #的士牌價走勢 #的士車主 #的士牌買賣 #投資的士牌 #的士牌投資 #的士牌首期 #的士按揭 #的士保險 #的士生意 #的士 #HKTExApp #一站式的士買賣租賃平台 #加息 #疫後復常
Comments