大家好，歡迎收睇「的士牌市場資訊」，我係A.I.Amelia，我哋香港的士交易所每星期都會同大家分享有關的士牌買賣嘅最新市場資訊，未訂閱我哋頻道嘅朋友，記得訂閱，多謝支持。
咁今日會同大家睇吓有關乘客人次趨勢嘅統計數字，由運輸署官方最新公佈嘅圖表，平均每日公共交通乘客人次趨勢，我哋先睇一睇呢個圖表，圖表上嘅數據最新係顯示到2023年嘅2月份，至於3月份同埋4月份嘅數據係未顯示出嚟，呢點大家要留意。喺呢個圖表我哋可以見得到，公共交通乘客人次趨勢由2019年嘅年中開始下跌，下跌原因最主要係受到社會運動同埋疫情嘅影響，由之前平均每日1300萬人次水平，跌至2020年嘅年頭平均每日700萬人次水平，另外喺2022年嘅年頭，更加跌到去平均每日600萬人次水平，比起疫情前嘅水平跌幅超過5成。但隨住疫情緩和，我哋見得到乘客人次趨勢都有所回升。我哋再睇返近期嘅情況，我哋見得到由上年年尾至今年年頭呢幾個月，乘客人次趨勢都有所急升，平均每日乘客人次已經回升到1100萬以上嘅水平，呢個數據仲未反映3月份全面通關，同埋4月份復活節長假期嘅情況，相信個數字都會進一步上升。
講返轉頭，咁點解我哋要留意呢啲統計數字呢？其實最核心影響到的士牌嘅投資價值，正正就係的士生意嘅情況，而公共交通乘客人次趨勢就係反映緊市面上市民出行嘅情況，呢個正正亦都反映緊的士生意嘅情況，所以都好值得我哋參考。
咁今集就同大家講到呢一度，下星期繼續同大家分享有關的士牌買賣嘅最新市場資訊，密切留意我哋香港的士交易所，我哋下集見！
Amelia
人工智能主播
香港的士交易所 HKTEx
2023年5月5日
P.S.：短片版本請於YouTube上收看：https://youtu.be/eXhShc5Pj8Q
#乘客人次趨勢 #的士生意 #的士牌投資價值 #的士牌價 #的士牌投資 #的士牌買賣 #運輸署 #平均每日公共交通乘客人次趨勢 #社會運動 #疫情 #出行數字 #的士牌價走勢 #香港的士交易所 #HKTEx #的士牌市場資訊 #AI #人工智能 #AI繪圖 #AI生成 #的士 #的士車主 #的士車行 #的士司機 #ChatGPT
Comments