黃生是一位商人，之前也是一位Uber司機，早前參與了我們「香港的士交易所」主辦的「的士牌照買賣投資講座」，之後經我們購買了一架市區的士牌連全新車，繼而成為的士新車主及的士司機，現在駕駛著自己的的士，每天營運他的的士生意。
今次我們邀請了他，接受了我們記者的專訪。
記者：請問黃生在未投資的士之前，有冇其他投資？而主要做咩投資多？
黃生：我投資起步比較遲，去到某個歲數後才發覺需要有投資，當時覺得已經浪費咗幾個投資機會。之後主要都係投資股票，也有投資物業，另外也有買保險，但保險那些我不想將佢歸納做投資，雖然係儲蓄保險，但我不歸納為投資的一類。
記者：有冇咩投資心得可以分享一下？
黃生：個人心得主要係唔好持有太多現金，應該持有有實際回報的資產，意思不是完全不持有現金，只是需要持有部分現金，因為不能完全無現金。但在現今世界各地政府不斷印銀紙，以致現金購買力不斷下降，如持有太多現金，會令自己的身家不斷縮少。
記者：點解之後會選擇投資的士牌？
黃生：這應該同我之前揸Uber有關，因之前在內地工作，現在從內地回港工作，2016年嗰陣，為咗想更自由而選擇揸Uber，但因警方對Uber多次的放蛇行動，令我開始去了解的士行業，之後2017年頭仲去咗考的士司機牌，為咗更熟識香港的道路。亦因為考完的士司機牌之後，開始對的士感興趣，之後開始搵的士嘅相關資料。首先係搵的士司機的收入與Uber司機收入嘅分別，自己上網搵資料，另外有啲Facebook羣組會有好多人分享相關資料。在搵資料嘅期間，就搵到你哋香港的士交易所，並開始了解的士嘅投資，及後參加埋你哋公司搞嘅講座。聽完講座清楚曬之後，就決定投資的士牌了。
記者：最終點解選擇經香港的士交易所投資的士牌？
黃生：主要係因為個講座，因為本來考慮做唔做的士牌投資的主要阻力是我太太，她對的士行業及的士牌投資都不太了解，所以我特別帶埋太太黎聽講座，她聽完講座之後，令她對呢個行業及的士牌投資改觀，開始叫我試下的士牌投資。呢個講座也令我更清楚明白的士牌投資嘅每樣細節，令我可以好安心地經你哋買賣的士。
記者：點解買咗的士之後選擇自己揸返，而唔係交俾我哋幫你管理及收租？
黃生：因為知道自己揸的收入比起放租收到的租金更多錢，相信自己揸的回報會更高。
記者：都知道黃生之前是揸Uber的，點解又會轉揸的士？
黃生：雖然揸的士每日的時間比起揸Uber長啲，但收入確實有啲分別，其實我開始揸Uber時收入非常低，係揸咗Uber半年後收入先升咗啲，其實我知係經驗問題。不過宜家開始咗揸的士，雖然只係揸咗的士一段好短的日子，但其實已經感覺到當中兩者既分別，現在的入收已經高於以前揸Uber的收入，因為攞客上兩者嘅節奏已經有分別，其實宜家最欠缺係未熟識每一區邊個地方上客會最快，我諗如我掌握到這點，應該之後收入會有更大分別。在車費上，雖然Uber有加乘制度，但加乘既時間不是想像之中咁長，大部分時間的士車費會較Uber高。同時間，如果再計油耗及維修方面，其實的士的營運成本方面一定低於Uber，因為宜家我係以車主嘅角度看，有別於普通司機只考慮租金方面。我現在嘅角度係當為將來儲蓄定，之前也考慮過是否租的士一段時間之後才投資的士牌，但最終決定投資的士及自己揸埋的士呢個諗法，唔好再浪費時間。
記者：你由Uber司機繼而成為的士車主及的士司機，當中會唔會有部份原因係因為擔心Uber不合法？
黃生：當然擔心！在早前警方未放蛇捉嗰22個Uber司機之前都無咁擔心，但嗰次放蛇後，在Uber羣組中得知當中的Uber司機的案件發展細節，之後自己衡量過，覺得風險太大，更因為以Uber司機呢個收入的比較下，根本唔值得冒呢個險。其實我在未揸的士之前，已收到好多資訊話，的士司機的收入不比Uber司機收入低，以一個有經驗司機比較下，的士司機好大可能比Uber司機的收入為高，而且我計過，如果成為車主，收入回報會更高。
記者：你揸的士接客有冇咩心得？
黃生：現在主要生意都係街客，而且打折的生意不做，全部做正價，Call的士App的客佔我生意比例不算太高。其實當你去到每一區時，要盡快熟識每一個地方邊道容易上返客，呢一樣先係最重要，反而認路方面不是太大問題，因為有手機工具幫手。
記者：市場上，有好多人話的士牌價高企，你有咩睇法？
黃生：現在所有資產價格都高企，主因是地方政府大量印銀紙，與貨幣政策有關。因為在大量貨幣流通下，只會令資金方向就會走去有實際回報的資產上，如股票、物業或其他商品市場，的士牌也是其中一個有實際回報的資產類別，所以高企的價格無可避免。我只能説，如果地方政府嘅貨幣政策沒有太大變化，高企價格係無可避免。其實物業資產價格也同樣高企，如果要論風險而言，我覺得的士牌的風險比起物業低好多。至於回報方面，我自己會簡單進行比較，如假設以一個的士牌約七百萬來計算，比較同樣是七百萬的物業下，物業每月收租嘅回報可能只係約兩萬蚊或以下左右，相反，一架市區全新的士收租就已經可以有兩萬幾蚊，而且如果自己揸返自己架的士咁計，回報會更高。因為有啲的士司機唔係車主，但司機收入足夠交租給車主那部份，也能有足夠收入給自己，證明的士牌的收入一定高過表面上收租嘅回報。
記者：上屆政府公佈建議推出專營的士，你擔唔擔心影響的士生意？
黃生：好睇政府推出專營的士嘅目的係咩，如果係諗住以專營的士為Uber嘅代替品，那對的士業係一大利好嘅消息，因為現時在市面上Uber的數目，一定多過政府建議推出600部專營的士嘅數目好多。點解張炳良局長話Uber公司有合法的部分，其實Uber開頭黎香港時係有Uber Taxi，點解之後又會取消？以我估計係Uber選擇不合法，亦見唔到Uber有為自己合法化而努力，因我覺得現在對Uber的利益係最大，又不用交稅及受任何監管，以及車隊無被限制數量，因白牌車可無限制數量。而香港政府幾次打擊面在於Uber司機，而不是在Uber公司身上，所以Uber公司無咩風險，風險由Uber司機自己全部承擔。其實的士數量絕對足夠，現在最大問題係Uber對車嘅使用率高過的士只等街客高很多。我覺得政府應該自己做App，統一所有Call的士App，因現在客人對車費價錢唔係最重要的一點，服務才是重點，亦係現在的士司機做得最唔好嘅一點。其實如果做得好方法能夠改善的士使用率，相信能提升的士生意及服務。
記者：有冇其他改善的士行業嘅建議？
黃生：有，例如政府可以貸款比人上樓，的士也可以效法呢個方法，令的士司機能變成車主，揸者有其車嘅方向，相信可以令的士服務質素大大提升，因為成為車主後，的士司機心態會改變，收入係自己，車亦係自己，這可改變成個的士行業氣氛，因為現在最大的問題係司機心態唔平衡而影響服務質素。
記者：你擔唔擔心日後加息會影響你的的士牌投資？
黃生：不擔心，因加息對所有資產項目都有影響，的士牌投資的風險已相對地比較低。大家擔心加息有如擔心世界末日，其實無咩好擔心，一係只揸現金才能無受影響，但在這世代唔可以只揸現金。
記者：你點睇的士牌價長遠走勢？
黃生：我是非常睇好的士牌價長遠走勢，因為銀紙的購買力不斷下降，十年前食飯幾錢，現在幾錢？如果講的士車費，十年後嘅車費又會幾錢？所以我相信通脹會不斷帶動的士牌價走勢向上，我個人認為的士牌係一項長期投資，並唔係一項短期投資，如想短期投資，大可揀股票來投資，更快更方便，的士不能類比，但比較下，的士牌確實係一個風險不高嘅資產投資項目。
記者：你點樣部處以後嘅的士投資？
黃生：當回報吸引時，會考慮買第二或第三部的士用作投資，之後亦會睇成個的士行情再作部處。
記者後話：
跟黃生做專訪，確實也令我學習了不少，他無論在投資及作為一位的士司機的層面上，也盡顯他細心及認真的態度，投資前會細心尋找資料，認真地參與講座學習智識，獨立思考分析風險；在成為的士司機時，也會細心觀察每樣細節，認真努力地想盡方法做好的士服務。
跟黃生一邊做訪問，一邊也感受到他親切的態度，在此再次感謝黃生接受我們的專訪，也感謝您選擇了我們香港的士交易所。
希望各讀者能夠藉著這個專訪，更了解的士行業及的士牌投資，謝謝。
圖片：香港的士交易所 HKTEx 記者攝